Daxili dövriyyədə olan məhsulların kodlaşdırması

Dəyişkən ölçülü məhsullar üçün

RCN-13 ştrixkod nömrələrinin paylanma

Qaydaları

GS1 sisteminin Baş Spesifikasiyasına (GS1 General Specification) əsasən RCN-13 (Restricted Circulation Number, Məhdud Dövriyəli Nömrə) məhdud dövriyyəli nömrələmə kodları 20-29 prefikslərini və EAN-13 simvolikasını istifadə etməklə müəssisə dəyişkən ölçülü ətməələrinin daxili nömrələməsini təmin edir. Bu EAN-13 kodlarının unikallığı ticarət şəbəkələrində, istehsalatda, anbarlarda və s. sahələrdə şirkət daxilində dəyişkən ölçülü əmtəələrin məhdud dövriyyə edilməsini nəzərə alır.

Azərbaycan Respublikası ərazisində dəyişkən ölçülü əmtəələrin RCN-13 kodunun formatı GS1 Azərbaycan Cəmiyyəti tərəfindən aşağıdaki kimi qəbul olunub:

a) 20-22 prefikslər - ancaq müəssisə daxili məhdud dövriyyəli nömrələmədə istifadə olunur.

Bu kodların unikallığını və təkrarolunmamasını istehsalçı (M) və ya satıcı (R) tərəfindən təmin edilməsi üçün ticarət şəbəkələrində, istehsalatda, anbarlarda və s. sahələrdə şirkət daxilində məhdud dövriyyə edilməsini nəzərə alır.

b) 23-27 - ehtiyat üçün GS1 Azərbaycan sistemində rezervdə (E) saxlanılan prefikslər.

c) 28-29 - GS1 Azərbaycan Cəmiyyəti tərəfindən dəyişkən ölçülü məhsulların unikallığını təmin etmək üçün ayrılan prefikslər

NNNNN - GS1 Azərbaycan sistemində dəyişkən ölçülü məhsullara ardıcıllıqla ayrılan nömrə.

ХХХХX – dəyişkən parametrlərin göstərilməsi üçün nəzərə alınıb. Misal üçün, təzə mal (mal və quş əti, balıq, pendir, meyvə-tərəvəz) kimi qida məhsullarında, tekstil və s. – qramm, kiloqramm, metr, santimetr və s. dəyişkən ölçülü əmtəələrə aid etmək olar.

C – ümumi stardart alqoritmlə hesablanan nəzarət rəqəmi.

Qeyd: Dəyişkən parametrli əmtəələrin identifikasiyası daimi parametrli əmtəələrin identifikasiyasından fərqlənir. Qida sənayesinə aid müəssisələrin çoxu, dəyişkən çəkili əmtəələri elektron tərəzilərdən istifadə edir və  məhdud dövriyyəli ştrixkodlarla markalayırlar.

Proqramlaşdırılan elektron tərəzi vasitəsi ilə dəyişkən çəkili məhsulların üzərinə çap olunan ştrixkodların paylanması misal kimi göstərilir.

Əsas: GS1 General Specification, Yanvar 2017 (2.1.5, 2.1.6.4, 2.1.7., 2.1.7.1, 2.1.7.2 bəndləri)