“GS1 Azerbaijan AZE Barcode” Mobil həlli yeri məhsulların ştrixkodlarının leqallığını yoxlayır.
"Qlobal Standart 1 Beynəlxalq Sisteminin Təbliği" İctimai Birliyi, ERBD Avropa Bankının maliyyə və Azexport Portalının texniki dəstəyi ilə Apple və Android platformalarının əsasında smartfonlar üçün GS1 Azerbaijan AZE Barcode mobil həllinin yaradılmasını tamamlamışdır. Bu cür mobil həll Azərbaycanda ilk dəfə olaraq Google Play və Apple Store onlayn-mağazalarında qeydiyyata alınmışdır.
Mobil həll Azərbaycanda istehsal olunan və "Qlobal Standart 1 Beynəlxalq Sisteminin Təbliği" İctimai Birliyinin məlumat bazasında qeydiyyatdan keçmiş məhsul məlumat bazasını istifadə etməyə imkan verir. Hal-hazırda İctimai Birliyin məlumat bazasında qeydiyyatdan keçmiş məhsulların ümumi sayı 100.000-dən artıqdır. Mobil həll GS1 sisteminin istifadəçiləri olan yerli istehsalçılar və onların haqqında məlumat verən servisdir. Mobil həllin necə işlədiyini görmək üçün smartfonun əməliyyat sistemindən aslı olaraq, “Google Play” və ya “Apple Store”-da “Axtarış” bölməsində “GS1 Azerbaijan AZE Barcode” yazmaq və bu mobil həlli tapandan sonar onu telefona yükləmək lazımdır.
Məhsul haqqında məlumat “GS1 Azerbaijan AZE Barcode” mobil həllinin bazasına necə daxil olur?
- İlk növbədə istehsalçı İctimai Birlikdə qeydiyyatdan keçir və məhsullar siyahısını təqdim edir, sonra həmin məhsullara unikal ştrxikod nömrəsi (GTİN) ayrılır.
- İctimai Birlik öz növbəsində daxil olan istifadəçi və məhsul haqqında məlumatları öz bazasına daxil edir.
Mobil həlli necə istifadə etməli?
Əgər istehlakçı Azərbaycanda istehsal olunan yerli məhsulu alırsa və qablaşmanın (və ya etiketin) üzərində çap olunmuş məlumatın nə qədər düzgün olmasında maraqlıdırsa, o zaman “GS1 Azerbaijan AZE Barcode” mobil həlli işə salmaqla məhsulun qablaşmasının (və ya etiketin) üzərində göstərilən ştrixkodu skan edərək məhsul və onun istehsalçısı haqqında məlumat ala bilər. Əgər məhsulun ştrixkodu leqal deyilsə, onu oxuyan zaman ekranda “Product not registered in GS1 Azerbaijan” yazısı çıxır və bu məhsulun alınmmaması üçün bir xəbərdarlıq ola bilər.
Mobil həllin üstünlükləri nədir
- İstehakçılar haqqında məhsulun qablaşmasının (və ya etiket) üzərində göstəriləndən daha ətraflı əlaqə məlumatı tapa bilərlər.
- Supermarket tədarükçüləri istehsalçı haqqında məlumat əldə edərərk, yeni məhsul sifarişinə başlaya bilər.
- Həll provayderləri bu və ya digər ştrixkod nömrəsinin kimə aid olması barədə məlumatın təsdiqini ala bilərlər.
