11 aprel 2025-ci il tarixində GS1 Azerbaijan əməkdaşları “Qida məhsullarının keyfiyyətinin və texnologiyasının standartlaşdırılması” Texniki Komitəsinin iclasında AZS CODEX STAN 1-1985 standartının müzakirəsində iştirak etmişdir. Standart, qida qablaşdırmasının etiketlənməsi üçün vahid qaydaları təsvir edir.
Birliyin Baş direktoru V.Əliyev “qida məhsullarının məcburi markalanması” bölməsinə GTIN və GLN kimi GS1 sistem identifikatorlarının əlavə edilməsini təklif edib.
GTIN və GLN-nin məcburi göstərilməsi ilə bağlı bu təklifin müzakirəsi zamanı TK üzvlərinin fikir ayrılıqları olub.

Yekunda standartın müvafiq səlahiyyətli orqanlara göndərilməsi, rəy və təkliflər alındıqdan sonra yenidən müzakirəyə çıxarılması qərara alınıb.