EPC (Electronic Product Code, ing, Məhsulun Elektron Kodu) - təchizat zəncirindəki hər hansı bir konkret əşyanı müəyyən edən unikal nömrədir. EPC kodu çipdən və antenadan ibarət, radiotezlikli işarədə (RFID) saxlanılır. EPC kodunu oxuyaraq, misal üçün, ticarət vahidinin mənbəyini və ya onun istehsal tarixini müəyyən etmək olar. EPC bir çox cəhətdən Əmtəənin Qlobal Nömrəsinə (GTIN) bənzəyir: bu da qlobal şəbəkəyə (GDSN) daxil olan informasiya sistemlərinə çıxış imkanı yaradan açardır.
GDSN - özündə sənaye və ticarət "nəhənglərini" birləşdirən və diqqətini EPC sisteminin işləməsi üçün nəzərdə tutulan qlobal şəbəkənin standartlarının tərtib edilməsinə yönəldən bir şəbəkədir.
GDSN məqsədi - şirkətlər və ticarət ortaqları arasında informasiya axınlarının keyfiyyətinin artırılması yolu ilə əmtəə təchizatlarının effektivliyini və izlənmə xüsusiyyətini artırmaqdır.
Elektron Məhsul Kodu (EPC) məhsulun identifikasiyasının növbəti nəslidir. EPC kodu məhsulların tədarük zəncirindəki elementlərini (vahidlər, qutular, altlıqlar, yer və s.) unikal şəkildə müəyyən edən sadə, yığcam “nömrə nişanıdır”. EPC - EAN sistemi, UCC, UID, VIN və digər sistemlər kimi müxtəlif mövcud nömrələmə sistemlərini təmsil etmək üçün tətbiq oluna bilən iyerarxiya ideyasına əsaslanır.
Ticarətdə istifadə edilən mövcud nömrələmə sxemlərinə bənzər olaraq, EPC kodu istehsalçını və məhsul növünü müəyyən edən nömrələrə bölünür. Lakin EPC fiziki məhsul vahidlərini unikal şəkildə identifikasiya etmək üçün əlavə nömrələr toplusundan, yəni seriya nömrəsindən istifadə edir. EPC kodu GDSN-də mövcudluğunu identifikasiya edən məhsul haqqında məlumatın açarıdır.