7 aprel 2023-cü il tarixdə “Qlobal Standart 1 Beynəlxalq Sisteminin Təbliği”İctimai Birliyi tərəfindən son 3 ayda İctimai Birliyə üzv olmuş yerli istehsalçılar və tadarükçülər üçün növbəti seminar prezentasiya təşkil edilmişdir. Tədbirdə müxtəlif istehlak məhsulları istehsal edən müəssisələrin və fərdi sahibkarların 20-yə yaxın nümayəndəsi iştirak etmişdir. GS1 Azerbaijan Əmtəə NömrələməDepozitariyasının müdiri Gülanə Rəsulova tədbir iştirakçılarını GS1 beynəlxalq təşkilatının standartlarının əsas tələbləri haqqında - GTIN-lərin paylanması qaydaları, onların tərtib edilməsinə dair tələblər, qablaşdırmada tətbiqi, standart ölçüləri haqqında məlumatlar vermişdir. Məhsulun etiketlərininformalaşdırılmasına dair tələblər ətraflı nəzərdən keçirilmiş, ştrixkodlarla işləyərkən dizaynerlərin yol verdikləri tipik səhvlərə xüsusi diqqət yetirilmişdir.Seminarda milyonlarla GTIN haqqında məlumatları özündə cəmləşdirən GEPIR beynəlxalq axtarış sisteminin imkanlarından danışılmışdır. Mobil telefonlardan istifadə etməklə yerli mallar və onların istehsalçıları haqqında məlumat əldə etməyə imkan verən “GS1 Azerbaijan AZE Barcode” mobil tətbiqi haqqında məlumatlar iştirakçılar tərəfindən maraqla qarşılanmışdır. Əhatə olunan məsələləri möhkəmləndirmək məqsədilə iştirakçılar arasında testlərin keçirilməsi çox faydalı və maraqlı olmuşdur.
Seminarın sonunda İctimai Birliyin baş direktoru Vəfa Əliyev tərəfindən yeni istifadəçilərə GS1 Beynəlxalq Sistemində qeydiyyatdan keçdiklərini təsdiq edən Şəhadətnamə təqdim edilib.
GS1 standartları iqtisadiyyatın müxtəlif sektorlarında tədarük zəncirlərinin səmərəliliyini, təhlükəsizliyini və şəffaflığını artırmaq üçün nəzərdə tutulmuşdur.GS1, dünyanın 116 ölkəsindəki milli üzv təşkilatları vasitəsilə qlobal standartları qəbul edib tətbiq etməklə onların biznes ehtiyaclarına sürətlə cavab vermək üçün ticarət tərəfdaşları, sənaye sahəsi, dövlət və texnologiya təminatçıları ilə əlaqələr qurur. Qlobal miqyasda GS1 standartlarından istifadə etməklə 156 ölkədə hər gün altı milyarddan çox əməliyyat həyatakeçirilir “Qlobal Standart 1 Beynəlxalq Sisteminin Təbliği” İctimai Birliyi avtomatik identifikasiya və ştrixkodlaşdırma sahəsində fəaliyyət göstərən Azərbaycan istehsalçılarının maraqlarını digər beynəlxalq təşkilatlarda təmsil edir.1999-cu ilin mayında GS1 tərəfindən Azərbaycana 476 prefiksi ayrılmışdır ki, bunun əsasında GS1 Azerbaijan öz İstifadəçilərinə həmin prefiks əsasında GS1 identifikatorlarını –GCP, GLN, GTIN ayırmaqla onların məhsullarını dünya bazarında unikal edir.