GS1 sistemində standartlar və qərarlar bazasında avtomatik identifikasiya texnologiyalarından 
və məlumatların elektron mübadiləsindən istifadə edərək, təchizat prosesinin iştirakçılarına 
yüklərin nə zaman göndərilməsi, harada olmaları və onların hara çatdırılmaları haqqında, 
digər sözlərlə, sifarişdən çatdırılmaya və ödənişə qədər operativ və dəqiq məlumatın 
alınmasına imkan verir. Bunun nəticəsində inzibati və uçot prosesləri avtomatlaşdırıla,
bütün mərhələlərdə uçot əməliyyatları sadələşdirilə, səhvlər minimuma endirilə, anbar 
sahələrinin və inventar mülkiyyətinin idarə edilməsi yaxşı təşkil edilə bilər. 2017–ci ilin iyun
 ayının sonunda standartlaşma üzrə Avropa komitəsi (CEN) nəqliyyat qablaşdırmalarının 
SSCC (Serial Shipping Container Code) seriyalı kodun istifadəsini reqlamentləşdirən poçt 
xidmətləri üçün (TS 17073) Texniki spesifikasiyanı dərc edib.Qəbul edilmiş Texniki 
spesifikasiya poçt və kuryer xidmətləri, internet – mağazaları, logistika şirkətləri
 nümayəndələrinin birgə işlərinin nəticəsidir. Bağlamaların çatdırılması ilə bu gün mövcud
 olan problemlərin əsas səbəblərindən biri online – ticarət üçün işi çətinləşdirən çoxsaylı
yerli, lokal, milli reqlamentlərin və standartların mövcudluğu hesab edilir. Bu problemi GS1 
identifikasiya nömrəsini özünə daxil edən bağlama daşımaların üzərindəki standartlaşmış 
logistika etiketlərinin istifadəsi və vahid qaydaların riayəti həll etməlidir. Bu cür etiket yüklərin 
birmənalı identifikasiyası üçün effektivdir və göndərən şəxsdən alan şəxsə qədər olan yolda
 logistik silsiləsində izləmə imkanını təmin edir. Üstünlüklər:
SSCC nömrəsi – GS1 Sisteminin identifikasiya açarlarından biridir.
Buda öz növbəsində ticarət predmetləri ilə yüklənmiş qutu, paletlər və ya hətta treylerlər
 kimi logistika vahidlərinin identifikasiyası üçün özünə məxsus “nömrə nişanıdır”.
SSCC ilə markalanmış yüklərin yola salınması, hərəkəti və qəbul edilməsi ilə bağlı xərclərin 
azalmasına gətirib çıxarır.
SSCC nömrəsi izlənmə sisteminin əsas elementlərdən biridir. 
O, unikal şəkildə HƏR BİR logistika vahidini identifikasiya edir. SSCC nömrəsindən istifadə edərək, 
Siz hər zaman yükünüzün çatdırılma silsiləsinin hansı yerində olması haqqında məlumatlı olacaqsınız.