“GS1 Azerbaijan - Qlobal Standart 1 Beynəlxalq Sistemin Təbliği İctimai Birliyi” ölkənin aparıcı ticarət şəbəkələrindən biri olan “OBA Market MMC”  ilə işgüzar görüş keçirmişdir. Görüşdə GS1 Azerbaijan tərəfdən Layihələr üzrə rəhbər Həmidə Cəfərova və Depozitariya üzrə mütəxəssis Səbinə Rəhimova, «OBA Market MMC» tərəfdən PR Tədarükçü Dəyərləndirmə bölməsinin müdiri Orxan Babaşov və Barkod və Əmtəə  Nişanları üzrə aparıcı mütəxəssisi Ülkər İsgəndərova  iştirak etmişlər.
Görüş zamanı məhsullara əmtəə nömrələrinin verilməsi, izlənmə və nəzarət mexanizmləri kimi vacib məsələlər müzakirə edildi. Eyni zamanda, GS1 Azerbaijan mobil tətbiqinin ticarət şəbəkələri üçün yaratdığı imkanlar və onun biznes proseslərinə inteqrasiyası barədə ətraflı məlumat verildi.
Görüş çərçivəsində müzakirə olunan əsas məsələlərdən biri məhsul tanınması və izlənməsi sistemi oldu. GS1 standartları sayəsində məhsulların unikal identifikasiyası, mənşəyinin izlənməsi və təchizat zəncirinin şəffaflığının təmin edilməsi mümkün olur. Bu, həm istehlakçılar, həm də biznes subyektləri üçün daha etibarlı və səmərəli ticarət mühiti yaradır.
GS1 Azerbaijan nümayəndələri ştrixkodlaşdırma sistemlərinin tətbiqi, məhsul məlumatlarının idarə olunması və rəqəmsal texnologiyaların ticarət sektoruna inteqrasiyası barədə, GS1 mobil tətbiqinin üstünlükləri və istifadəsi haqqında ətraflı məlumat verdilər. Bu tətbiq məhsul məlumatlarının operativ əldə edilməsinə, sistemli izlənməyə və təhlükəsizliyə töhfə verir.
Tərəflər GS1 standartlarının OBA marketlər şəbəkəsinə inteqrasiyası və ticarət sektorunda innovativ həllərin tətbiqi istiqamətində əməkdaşlıq imkanlarını nəzərdən keçirdilər. Xüsusilə, məhsulun mənşəyinin izlənməsi, saxta malların qarşısının alınması, təchizat zəncirinin daha effektiv idarə olunması və istehlakçı məmnuniyyətinin artırılması kimi mövzular ətrafında fikir mübadiləsi aparıldı.
GS1 Azerbaijan olaraq biz ölkəmizdə beynəlxalq GS1 standartların tətbiqini genişləndirmək, ticarət sahəsində innovativ həllər təqdim etmək və bizneslərin rəqabət qabiliyyətini artırmaq üçün fəaliyyətimizi davam etdiririk.