GS1 Azerbaijan Cəmiyyəti yeni İstifadəçilər üçün növbəti seminar prezentasiya təşkil etmişdir.

Seminar 12.12.2022-ci il tarixdə GS1 Azerbaijan Cəmiyyətinin ofisində baş tutmuşdur. “Shirvan Poultry Company” MMC, “Grand Mart” MMC, “Brand Lux” MMC, “Azərsun Kənd Təsərrüfatı Məhsulları” MMC və s. kimi müxtəlif istehsal sahələrdən olan sahibkarların, həmçinin Antiinhisar və istehlak bazarına nəzarət Dövlət Xidmətinin istehlak bazarına nəzarət şöbəsinin aparıcı mütəxəssisi Azad Məmmədovun iştirakı ilə təşkil olunan seminar Cəmiyyətin baş direktoru Vəfa Əliyev çıxışı ilə başlamışdır. İştirakçıların tanışlıq mərhələsindən sonra onlara GS1 sistemi, ştrixkodlar və onlardan düzgün istifadə, ştrixkodların iqtisadiyyatda, logistikada və gündəlik həyatdakı rolu, gələcək perspektivləri haqqında ətraflı məlumat verilmişdir. Həmçinin GS1 standartlarından istifadəyə dair dünya təcrübəsi və ölkəmizin bu standartlara uyğunlaşdırılması üçün atılmalı addımlar müzakirə edilmişdir.

Seminarın sonunda iştirakçıların GS1 sistemdə qeydiyyatdan keçdiyini təsdiqləyən Şəhadətnamələri təqdim edilmişdir.