Prezident İlham Əliyev 14 iyul 2023-cü il tarixində “Dərman vasitələri haqqında” Azərbaycan Respublikasının Qanununda dəyişikliklər edilməsi barədə” 979-VIQD nömrəli Azərbaycan Respublikasının Qanununu imzalayıb.
Bu Qanuna əsasən, Azərbaycana idxal olunan və ya istehsal olunan dərman vasitələri ilk növbədə dövlət qeydiyyatından keçməlidir. Müvafiq ekspertizadan sonra dərman vasitəsi dövlət reyestrinə daxil edilir və qeydiyyat şəhadətnaməsi alır. Və yalnız bundan sonra bu və ya digər dərman preparatlarının Azərbaycana idxalına və istifadəsinə icazə verilir.
Bundan başqa, 2024-cü ilin yanvar ayından etibarən psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya tələb olunan prekursorların təqib və izlənməsinə başlanmışdır.
Bu tələbi yerinə yetirmək üçün Respublika Səhiyyə Nazirliyi GS1 sisteminin identifikatorlarından istifadə üzrə metodik təlimatlar hazırlayıb.
Xüsusilə, bu sənəd izlənmə və nəzarət üçün əsas elementlərdən biri kimi GTIN-ni – Əmtəənin Qlobal İdentifikasiya Nömrəsini ehtiva edən ikiölçülü GS1 DataMatrix kodunun istifadəsini nəzərdə tutur.Bu səbəbdən cari ilin mart ayının əvvəlində “GS1 Azerbaijan” İctimai Birliyinin əməkdaşları ilə Respublika Səhiyyə Nazirliyinin Analitik Ekspertiza Mərkəzinin mütəxəssisləri arasında görüş keçirilib. Görüş zamanı dərman tədarükçüləri tərəfindən dövlət reyestrində qeydiyyata alınmaq üçün sənədlər təqdim edilərkən göstəriləcək GTIN nömrələrinin verifikasiyası ilə bağlı problemli məsələ müzakirə olunub. Hazırda “GS1 Azerbaijan” İctimai Birliyinin Əmtəə Nömrələmə Depozitariyasında 150 000-ə yaxın məhsulların unikal verifikasiya edilmiş GTIN nömrələri, eləcə də bu məhsulların istehsalçıları haqqında əlaqə məlumatları qeydiyyata alınıb. Bu məlumat bazasındakı ştrixkodların qanuniliyini “GS1 Azerbaijan” mobil tətbiqindən istifadə etməklə yoxlamaq mümkündür. Həmçinin, bu tətbiq dünya ölkələrindən on milyonlarla GTIN istehsalçısı ilə “Verified by GS1” beynəlxalq axtarış resursu ilə sinxronlaşdırılmışdır.
Danışıqlar nəticəsində Analitik Ekspertiza Mərkəzi ilə “GS1 Azerbaijan” İctimai Birliyi arasında bu qurumların məlumat bazaları arasında davamlı məlumat mübadiləsinə imkan verəcək Razılaşma bağlanıb.
Gələcək perspektivdə təqib və izlənmə məqsədləri üçün səhiyyədə digər GS1 identifikatorlarının, xüsusən də GLN - Qlobal Yerləşmə Nömrəsi kimi identifikatorun istifadəsini müzakirə etmək planlaşdırılır.